السلام عليكم ورحمة الله وبركاته...

مرحبا بك في منتدى اسلامى سر حياتى

نحييك بتحية الاسلام اخى الزائر

انت غير مسجل لدينا تواجدك معنا يشرفنا

يشرفني باسم طاقم ادارة و اشراف منتدى اسلامى سر حياتى ان ارحب بك كعضو

بيننا نعتز به و نهديه احلى عبارات الترحيب بانضمامه الى اسرتنا

تفضل بزيارة اقسام منتدانا و اختر فيهم ما يناسبك و شارك معنا بكثافة

مجموعه نكت 5

استعرض الموضوع السابق استعرض الموضوع التالي اذهب الى الأسفل

لا أحد مجموعه نكت 5

مُساهمة من طرف hoba_2000 في الأحد أغسطس 12, 2012 6:47 pm

فيه ثلاثة خبلان طلع لهم مارد وقالهم طلباتكم مجابه جاء الأول وطلب مصنع ذهب وجاء الثاني طلب مصنع فلوس وجاء الثالث طلب من المارد انه ما يحقق لهم طلباتهم
قروي ما يعرف العلك، وشراله علكة، قعد يعلكها لين الليل و يقول:و الله ماني نايم لين أخلصه
قملتان في رأس واحد أصلع وحدة بتقول إلى أختها أنا عطشانه الثانيه قالت لها أسكتي أحنا ماشين في صحره
فيه سياره مي راضيه تشتغل ليه؟؟ تبي تكمل دراستها
في صيني يبون يعذبونه افتحوا عيونه
في نمله تقلبت من الجبل ليش؟؟؟ تبي تسوي فليم هندي
كان في واحد سكران ...شاف موزه قال ::الله يعيني على الزلقه
فيه قروي نامت رجله راح طفى النور
قروي حب وحدة اتزوج اختها علشان يشوفها كل يوم
فيه واحد غبي راجع ريوس بالسيارة ليش؟عشان يجييب المنديل من ورا
فيه واحد سألوه ودك لو أبوك يموت على شان ترثه قال ودي تصدمه سيارة على شان آخد الدية والورث
فيه نذل انقذ واحد غارق ليش؟؟؟عشان ما يصير شهيد
في مرة نملة تزوجت فيل فمات ،فأمضت النملة عمرها تحفر له في قبر
واحد...دخل على عياله اللي نايمين وطاح فيهم ضرب...هو يضرب وهم يصيحون...وهو يضرب ويقول....إنتم 3 ومشغلين المروحه على خمسه يالملاعين؟؟
ياباني عطس قال :هيتاشي
فيه قروي ماينام باليل ؟عشان يبغى يعرف من يحط الغمس في عينة
اثنين قروية راكبين شبح السواق قطع أول اشاره قال اللي بجنبه يا اخوي تبي تموتنا قال تعرف شي في الشبح قال لا قال اجل اسكت وعلى ها الحال مع ثاني اشاره إلى أن صدمتهم سياره قال الراكب خلاص انبسط تبي تموتنا قال السواق تعرف شي في الشبح قال ايوه قال وين الفرامل
فنيله داخليه تلحقها الشرطه ليــش؟سمعوا أنها تشرب عرقك
قروي يفتح الثلاجة على مهله ليه؟؟؟...عشان يعرف مين بيشعل الضو
في واحد دخل مطعم فول وتميس ثمن طلب له صحن فول وهو يأكل شاف جناح صرصور في الفول نادى الهندي اللي يشتغل في المطعم قال له ايش هذا رد عليه الهندي صديق أنت يجمع صرصور في يأخذ سيارة
في ريال متحجب ليش ؟؟ لانه طالع من البنك الإسلامي
واحد يسأل أمه ليش أبوي اقرع .. قالت له يا ولدي هذي علامة الذكاء.. قال لها الولد أشوف شعرك طويل
في زرافة داخلة السوق ليش ..!!! تدور على بدلة أم رقبة
بعير راح يخطب زرافه أهلها ردوه ليه ؟ يقولون ما نعطي بنتنا لبدوي
فيل تزوج نمله وش جابوا ؟ فيل يمشي على الحايط
اثنين يمشون لحالهم بالصحراء قال الأول للثاني تسمح كلمة على انفراد
هندي تلحقه دوريه دخل بالمخفر
في حمار أتقدم يخطب حمارة أبوها رفسه
ثلاثة مجانين أراد الطبيب أن يختبرهم أيهم الذي قد عقل ففرش سجادة وطلب منهم السباحة قفزوا إلا واحدا وظن أنه أعقلهم ولكن لما سأله لماذا لم تسبح قال أخاف أن أغرق
فيه حرب بين قرويه ومحششين مات عشره من القرويه قاموا أرسلوا واحد بوانيت يجيبهم وهو في الطريق سمع الراديو يقول وصلنا الآن الخبر التالي وفاة سته من القروية قام وقف القروي وطلع فوق سطح الوانيت وقال الأربعة اللي يستهبلون يقومون
هندي حط خمسين فلس بقلاص ماء ليش؟ علشان يشرب مياه معدنية
وحدة غنت أغنية قديمة طلع من فمها غبار
سواق وصل زوجته بيت أهلها شغل العداد
أثنين قرويين دخلوا مطعم قعدوا جنب مراية طلبوا أربعة شاي
فيه محششين مسلحين ..مسكوا واحد وقالوا له أنت معانا ولا مع الثانيين قال معاكم معاكم قالوا لكن إحنا الثانيين
في ثلاثة قروية مجنانين قال لهم الدكتور كل واحد يأكل كرتون مسامير كلو اثنين ألا واحد قال للدكتور مافي خبز مع المسامير
في واحد بخيل يصيح ليش لانة ضاع علية ريال
فيه طفل صغير دخل عند راعي بقالة وقاله عندك عشرة آلاف علبة بيبسي قل لا والله ما عندي ثم جاة اليوم الثاني وقاله عند عشرة آلاف علبة بيبسي قاله أنت شكلك تضحك علي ضف وجهك ولا أشوفك مرة ثانية وبعد ما طلع الولد من عندة فكر وقال يمكن يكون الولد صادق ويكون عندة عرس أو أي شي ثاني ثم جاب العشرة الآف علبة بيبسي وحطها في تريله قدام الباب وجاه الولد اليوم الثاني وسئلة عندك ياخي عشرة الآلف علبة بيبسي قاله ايوه عندي قاله البزر طيب يامهبول من اللي بيشتري هذي كلها
في قروي يبي ينشف حلقة بلع فوطة
فيه قروي لابس كل ثيابه ليش.؟ بايع الدولاب
فيه سود يطلعونه ويدخلونه في البحر ليش ؟ دعاية شاي لبتون
فيه ديك فاتح الثلاجة ليش؟ يشوف الدجاج مصلوخ
نملة تجري ورى اسعاف ليش ؟ تبي تتبرع بدم
واحد مجنون قاعد يكتب رسالة سأله الطبيب لمين تكتب هالرساله قال المجنون أكتبها لنفسي ..قال الطبيب وش تقول فيها؟ قال المجنون : صاحي إنت كيف أبعرف وهي مابعد وصلتني...؟!
فيه ناس بيتهم مسكون (أعوذ بالله) المهم تعبوا مع الجني يبيونه يطلع ماطلع ذاك اليوم راحوا لمطوع قال لهم تراه موب طالع إلين ما تنقلون لبيت جديد ..يوم تجهزوا الشباب و جو بيطلعون من البيت طلع الجني مبسوووط ويقول :هيـــــه بنروح بيت جديد بنروح بيت جديد ..!!
فيه وحده شييييينه شافت مرايه قالت حتى هذي غشوا فيها
في دجاجه انتحرت وكتبت في وصيتها خلو ماجي ينفعكم
بشع تزوج بشعة، خلَفوا ولد ، رموه بالقمامه
واحد مايعرف يسبح راموه اصدقاه في البحر لكنه لم يغرق ...ليش؟ لانه لوح
فيه اثنين محششين مسافرين وفيه بعير على الخط الراكب يقول للسواق تشوف البعير قال السواق اشوفه المهم صدمو البعير ودخلو المستشفى بعد يومين سال الراكب السواق ماقلتلك تشوف البعير؟قال السواق نسيت أحسبك أنت اللي تسوق .
كان في راجل كريم تزوج ست كريمه...جابوا ولد أعطوا للجيران
فيه شئ اسود وفوق البحر ويقول ميو ..ايش هو؟ غراب يستهبل
في بيبسي يتمشى في الشوارع ليش؟ فاضي
في واحد كل ما يدخل الحمام يطلع جني ويقول له :مساء الخير والإحساس والطيبة...الخ بعدين راح لشيخ وقال له القصة فقال له الشيخ زم تقفل الحمام لمدة سنة....بعد سنة فتح الرجال الحمام طلع له الجني وقال: مرت سنه مالك على البال طاري
فيه قروي قال لزوجته نكته قالت ها هاها بايخه قال هاهاها انتى طالق
وش وجه الشبه بين القطوه والحرمه ؟؟؟ كلهم يلاحقونهم كلابه
واحد شامي سأل واحدة شو اسمك؟ قالت له بدور قام قال لها يا حرام لك ما بتدوخي؟
نملة أتقدم لها عمود النور رفضته ليييييش؟....عشانه ولد شوارع
في نكتة في السجن ليش ؟ موتت واحد من الضحك
في ذبابة متحجبة لييه؟؟؟ تمثل دعاية بف باف للقناة الأولى
في بقرة دخلت السجن ليش؟ شافوها تأكل حشيش
مذيعة بتسأل واحد اسمك إيه؟ قال لها ما في اختيارات؟
واحد دخل السلك الدبلوماسي ...تكهرب
واحد تعبان من المشي راح يركض
واحد قروي دخل البقالة وسرق ايس كريم برتغال وهرب يركض وطلع صاحب البقاله القروي يركض يركض وراه ليش؟؟؟؟؟ عشان يعطي الأيس كريم
في زجاجة وسكي اسلمت ليه؟؟....تزوجت ماي زمزم
مرة ثمانية قرويين أرادوا أن يدفعوا سيارة فلم يستطيعوا لماذا؟؟ لأن أربعة كانوا يدفعون من الأمام وأربعة كانوا يدفعون من الخلف
في قروي يسوي خمسات ليه .. يبغي يشوف رقم اللوحه
تاير (كفر) سوى رجيم عشان يصير عقال
نملة..ماتت أمها ولا بكت عليها حابسة دمعتها ليه .....خايفه يا عيني الكحل يسيح
في اثنين خبلان اتصل واحد منهم بالثاني الساعة 3 الفجر وقاله لو سمحت رقم الجامعة واحد واحد واحد واحد واحد واحد قاله الثاني لا رقم الجامعة احدعش احدعش احدعش قاله طيب شكرا وآسف على الإزعاج قاله الثاني لا عادي أصلاً كان لازم أرد على التليفون
في هللات منتشرة في الشارع ليه؟؟؟؟...ريال مسوي حادث
فيه قروي راح لمطعم وطلب ثلاثه بروست قاله راعي المطعم :تبغى محلي والا سفري ,قال القروي : شكّلنا يارجال
ابن صالح كامل صاحب محطةا..ر..ت..نجح وطلع من الاوائل....تتوقعوا
ايش سواله ابوه؟؟ قام شفره
يقولك فيه زول راكب سيارة كورلا وجنبه الحجه راكبه وشاف سياره بي ام دبليوا اخر موديل وفيها واحد وجنبه وحده زى القمر فقال فى نفسه شوف الحظ راكب بي ام وجنبه الشبح ...وأنا راكب الكورلا وجنبي الغورلا
واحد سافر علشان يشرب ولمن وصل للفندق كل يوم يشرب ثلاث سطول وسكي وسألوه الناس ليش تشرب ثلاثة كل يوم قال لهم اشرب واحد لي واثنين لربعي وبعد أسبوع لقوه يشرب اثنين استغربو قالوله ليش تشرب اثنين قال لهم انا تبت بس اشرب على شان ربعي...........
في واحد قال للثاني تعرف بيتهوفن قال أنا ما اعرف هوفن كيف تبغاني اعرف بيته
في نمل كثير مشوا من تحت الباب الا وحده ليش؟خايفه على تسريحتها
خمسه نخاوله طلعو البر فقال صاحب السياره خلينا ننسم الكفرات عشان لا تغرز السيارة كل واحد نسم كفر دورو للخامس لقوه ينسم في الاستبنه
في دكتور قال للمرضه في أحد سأل عني ؟قالت له الممرضه سألت عنك العافية قال: خليها تتفضل
فيه نخاوله ياكلون البيتزا بالخبز ليش؟؟؟ يحسبونها شكشوكة
في اثنين محششين وقفو عند الجمارك قال السايق السلام عليكم رد اللي جمبه قال وعليكم السلام
فيه واحد محشش يمشي بالشارع طاحت منه عشر ريالات أبو الشباب نزل خمسمائة ريال وقال روحوا اضربوه وتعالوا
خبل سوا عمليه و لمن شافها نجحت ،، قرر يسويها مره ثانيه
واحد بغى يدخل بالموضوع شرا مفتاح
في قروي اشترى سيارة مرسدس2002 وجاك في شارع مسدود مسرع وصدم الجدار ليش؟ عشان يقول الناس وين راعي السيارة
فيه قروي يطرد ورى سياره إسعاف يحسبها تقول ...قروي قروي قروي
فيه واحد طلع له المارد وقاله اطلب قاله أبيك تجيب لي بنت من العقارية يوم تأخر المارد راح الرجال العقارية يشوف وش القصة ويلقى المارد والبنت مركبين في جمس الهيئه
فيه خكري مات أبوه لفه في قصديــــــر
في واحد قروي كان ماشي في الشارع دخل في رجله مسمار رفع رجله وضربها بقوة في الأرض وقال والله منت طالع
في اثنين محششين في غرفه الأول كان حشران طلع الثاني وقفل باب الغرفه جاء الثاني وقضى حاجته في الجريدة يوم دخل الثاني قال في ريحه كريهه قال الأول لا يهمك بعد شوي تروح يوم فتح الثاني الجريدة قال الأول لا يهمك كلام جرايد
قروي سألوه وش معنى حساس بالإنجليزي قال "سنستيف" قالوا طيب وش معنى حشاش بالانجليزي قال " شنشتيف "
في قروي سمع عن دورة المياه راح سجل فيها
في واحد أتزوج شغالتهم ليش ؟؟؟ عشان ياخذ الراتب
فيه واحد قروي وقف عند التفتيش ومعه شريط فيديو قاله العسكري هات الفيلم الخليع اللي معك وشلون عرفوا..كاتب على الشريط
البرازيل 2 x التعاون 1
في ثلاث قراوى دخلو بيتزا هت وطلبو بيزاا جلسو ويطالعونها وطولوا وهم يطالعون جاهم الويتر وقالهم ليش ما اكلتو قالوا له متى تجيب الخبز ما تنفع شكشوكه بدون خبز
في حرمه جلست ولدها فوق الدولاب ليش ؟0علشان إذا وقع على الأرض تسمعه
في عربجي حك راسه طلع له المارد وقاله شبيك لبيك المارد بين اديك العربجي ما صدق خبر قاله أبي منك مزرعه كبيره قاله المارد وهو متعفس وجهه لو عندي مزرعه ماسكنت في كشتك
فيه حواطى يدرسون في الظلمه ليه ؟يجربون الدراسه الليليه
ليش الليمونه لونها اصفر؟؟ واحد مخرعها
فيه خروف منحاش عن باقي الغنم ليييش.......خايف من مرض الوادي المتصدع
فيه قروي لابس بجامه ويتمشى عند الفيصليه ليش؟ يعني اني ساكن فيها
واحد يقول لصاحبه أنت ليه دايما تقول لزوجتك ياروحي وياحياتي وياعمري قله ياخوي استر علي تراني نسيت اسمها .
واحد سكران دقت عليه أمه قال لها مين عطاك الرقم يا حلوه
قروي كان راكب مع زوجته بالسياره نزل يشتري حاجه من السوبر ماركت ولما رجع تذكر انه قفل على مفتاح السياره فعلى طول راح جاب علاّقه وهو يحاول يفتح قفل الباب ، زوجته كانت تاشر له من داخل السياره وتقول: يمين.. لا يسار أشوي.
في واحد سأل واحد أسود قاله أنت ليش كلك أسود الا عيونك وأسنانك قام قله أنا يوم دهنوني كنت مغمض عيوني ومسكر فمي
في واحد حرامي قاعد يلحق وحدة عجوزة في الصحراء ليش ؟ عشان اسمها خزنة
فيه قراوى مجتمعين يهزون الفيصلية ليه؟ يبون يطيحون الكرة اللي فوقها
فيه خكري مره ربى دقنه طلعتله ورده
واحد خجول جدا تزوج وفي الصباحية عند ما قام من النوم قال لعروسته صباح الخير يا آنسة قالت له من تياستك
واحد خكري راح يعزي وتأثر مره مرررره وهو طالع قال لاخو .. المتوفي طيب يعني ما فيه أمل يرجع؟؟
اثنين طلاب تأخروا عن المدرسة...المدير سأل أول واحد ليش تأخرت؟ قال ضيعت ريال. سأل الثاني ليش تأخرت؟ قال أنا كنت داعس على الريال حقه.
في مطاوعه يلعبون كوره جاء واحد منهم ضرب الكوره بالعارضه وحسبوها هدف ليش؟يقولون إنما الأعمال بالنيات
في نمله واقفه فوق جبل و رافعه رجلها ليش؟ تبي تطيح طيار
قرويه أول مره تركب طياره جت الموظيفه تقدم الوجبات ...... القرويه تقلها والله يا وخيه لو درينا انا بنكلف عليكم ما جينا
في قروي خش الحمام أخذ معاه سلّم ليــش؟؟؟ علشان تطلع الريحه
فيه احول لقى عشرين ريال طايحه بالأرض أخذها وهو يركض ويقول أربعين أربعين
عربجي اكتشف ان عيونه خضرقام فقعها
فيه فيل تزوج نمله وش جابو؟؟؟؟؟فيل يقرص
فيه خكري شاف وزغة .. قال :"ياااي...تمساح"
نملة تصرخ في الحمام ليش؟؟علشان دخل عليها صرصور
هذا في سياره مرسيدس وقفت عند بيت مهجور ليش؟ تبي تصير مرسيدس شبح
فيه اثنين على فوهة بير ويقولون تسع تسع تسع تسع تسع تسع تسع فمر من عندهم واحد وقال لازم اعرف ليش يقولون تسع فسألهم ماذا تفعلون فأخذوه ورموه بالبئر وقالوا عشر عشر عشر.
نملتين راحو عند فيل قالوا له تتضارب ؟ قال الفيل :ما يصير 2على
وحده زوجها ثقيل السمع ارسلت له برقيه تطلب 1000ريال رد لها برقيه بالبريد السمتعجل يقول بها ....اشقلتي ما سمعت .
أيها النادل هناك _بعوضة تسبح في حسائي - نعم يا سيدي الذبابة في إجازة اليوم
قروي قاعد يشتري بيبسي من مكينة البيبسي , وكل شوي يحط ريال وياخذ قوطي بيبسي , جا له واحد وقال له يالله ياخي خلصنا ابي اشتري أنا , عاد قال له الأول شف عاد لا تصجنا , دامي أفوز أبا العب فهمت
مرة واحد قال لصاحبه الشيطان بيأكل معاك فوضع سم في الأكل
فيه واحد نساي مره مل كل يوم ينسى المهم راح للدكتور وقال مشكلته قاله الدكتور خلك رافع يديك دقيقه وارجع لك قال زين ورفعها المهم جاء الدكتور قال ليش مانت رافع يدينك قال يووووه نسيت
في نملة دخلت البقالة انهارت ليش؟ لأنها شافت صورتها على مبيد الحشرات
صرصور ماشي زعلان سأله صاحبه ليش زعلان قال ابدا مافي شي بس الوالد بعافيه شوي مضروب بنعال .
حلاق مودينه السجن ليش؟؟ ذابح قمل
في واحد راح للمرور يبي يغير لوحات سيارته وقال أبي لوحه مكتوب عليها أبو حمد قال العسكري ماعندنا إلا ثلاث حروف 'لكنه أصر عليهم وقال مابي إلا أبو حمد.وفي الأخير عطوه لوحه مكتوب عليها حمد.وبعد فتره شاف الرجال هذا لوحه مكتوب عليها أبو ظبي قال بينه وبين نفسه يلعن أبو الواسطةالى زي كذا
حشاش ضيع 100ريال في الضلما راح يدور لها تحت عامود النور
في بخيل اشترى ضحية العيد ولما ذبحها جمع أهل بيتة ووزع عليهم اللحم وقال تعلموا يااولادى الاقربون أولا بالمعروف
في مغفل شاف عصافير حب على شجرة واحد أحمر والثاني أخضر مسك الأحمر وترك الأخضر ،ليش ؟؟ فكر الأخضر مانضج .
فيه سجاره التزمت صارت مسواك
قروية تلحق صرصور ليش؟ تحسبه تمر
فيه عجوز ما استحمت من مائة عام كشف عليها الدكتور لقى القمل يصلون الاستسقاء
فيه عجوز تصحي ولدها الصباح تقوله : قم يا وليدي الشمس طلعت ، قال لها خلاص دخليها وسكري الباب
في مراءه سمعت صوت بالليل قالت لزوجها روح شوف يمكن حرامي قالها روحي انتي يمكن حراميه
عفريت طلع للوليد قال له اطلب وانا انفذ لك .. قال له الوليد .. اطلب انت
الأم : هل ابنتي شاطرة في الدراسة
المدرسة : ابنتك ضعيفة جداً جداً
الأم : صدقيني إنها لا تأكل إلا قليلاً
في غرفه ثانيه بتبكي لييييه؟ ضربوها بويه
محشش ياكل تمر وكل ما خلص من وحده رماها في الجدار وقال ميييييييييين
في واحد احول حس بالبرد وهو نايم قام غطى اخوه
واحد قروى كان يجرى على الطريق السريع 00ليه؟00كان يريد ان يصوره الرادار
في قروي سرق فواتير راح سددها
في قروي قال يبه أبي مدرس خصوصي قال ابوه انجح واجيب لك بدال الواحد اثنين
في قروين طلعو البر جابوا معهم سكر ليش؟ علشان يحلون الطلعة
فيه قروي على باله فاهم جو أهل المدن دخل مطعم هو وخويه المهم قال لخويه وش تبي من الأكلات قال خويه أبي سلامتك قال القروي بكتشب ولا بمايونيز
مرة واحد قروي أتصل بمرتة وسألها كيف الكبريت اللي جبته لك قالت له والله كلهم ما تعمل قال لها كيف وان مجربه عود عود .
مــــــره كذابين اجتمعو مع بعض قال الكذاب الأول للكذاب الثاني تشــــــــوف النمله اللي في راس الضلع البعيد هذاك قال الكذاب الثاني تقصد المفتحه عينها ولا اللي مسكره عينها
مرة قروى سمعوا بموت ديانا عزوا البنك البريطاني
شارع العليا لوسمحت السواق استغرب وسوى نفسه يسوق هنن هننننننننننننن بعدين قال لهم وصلنا عطوه 15ريال ونزلوا واحد منهم ضرب السواق على راسه وقاله ثاني مره لاتسرع .
في اثنين صلع حكو في بعض طلعو شراره
مرة واحد قال لزوجته اليوم العشاء برة راح ورجع شاف زوجته حاطة السفرة في الشارع
قروي منفلت ويجري بسرعه لييييش؟طالع من نكته
في اثنين يحبوا بعض لكن بعض ما يحبهم
واحد بلع صابونه لـــــيـــــش؟؟؟؟؟؟؟ يسوي غسيل معده
في شيء يلمع علي الجبل ليش ؟؟0طلعت نلمه زارعه ضرس ذهب
في بعير راح للجوازات ...وليه؟ يستقدم راعي
فيه أربعين خكري طلعوا للبر يوم وصلو قالوا : يوووووووه نسينا نجيب واحد يجسرنا
في اثنين قروه واحد في عمارة عشرة ادوار والثاني تحت في الشارع فالقروي اللي فرق يبغى ينادي اللي تحت بس مايسمعه فشافه واحد واعطاه منظار (دربيل) فصار يشوفه قريب وينادية بشويش .
فيه قرويه ركبت ليموزين سألها راعي الليموزين وين تروحين يا خاله قالت يا زينك ما علمت زوجي تبي أعلمك
صرصــور لابـس بشت ليش؟ رايح بالوعة الشيوخ
فيه نملة تطالع جسمها في المرايه ! وتقول يا حراااام هالخصر على نملة
مره كنت ماشي على رصيف المهم شفت قطو ينابح استغربت وسألته ليش تنابح ...قالي يا اخي واحد طفششششان عندك مانع
في واحد نذل وواحد حرامي النذل قال للحرامي علمني السرقة والحرامي قال للنذل علمني النذالة قام الحرامي سرق محفظة واحدة حرمة وقاله يالله علمني النذالة راح النذل صرخ بأعلى صوته حرامي حرامي .
في مسابقة اطول مذكرة اللي كتب 100 صفحة واللي كتب 200 صفحة واللي كتب 300 وبعدين جوا عند واحد لقوه كاتب 500 صفحة تعجبوا الناس جوا يقرونها فتحوا أول صفحة لقوه كاتب (فهد ركب الحصان) وفتحوا أخر صفحة لقوه كاتب (فهد نزل من الحصان) وبعدين جوا يقرون اللي في الوسط ألا هو كاتب ترك ترك ترك ترك
قروي دخل حمام أفرنجي أخذ معاه مترجم
في عربجي شرب جالون بنزين ليش ؟عنده حموضه
خكري دخل بقالة يبي ثلج قال لصاحب البقالة: ياي عندك ماء يابس
في واحد جالس يطالع في زيتونه سوده ليش؟يتذكر ايام الطفوله
في ثور قص اقرونه ليش ...داش التجنيد
في واحد ولد قال لأبوه أنا حلمت أن دخلت في رجلي شوكة رد عليه أبوه تستاهل محد قال لك تنام وانت حفيان .
فيه واحد قزم طاح من الدور العاشر تعلق بالرصيف
في أب عنده ثلاث أولاد وبنت قال لأولاده الثلاثة اللي يبغى يتزوج ومستحي يحط شماغه ورى الباب وبكره أشوف اللي يبي يتزوج وجاء اليوم الثاني لقي الأب اشمغه أولاده كلها ورى الباب ومعاهم طرحه أختهم .
اصفر صغير وخطير ماهو....؟ كتكوت شايل قنبله
اسود صغير وماهو خطير ماهو...؟ كتكوت انفجرت فيه القنبله
لاعب منحوس سجل هدف ، لما عادوه بالحركة البطيئه ، طلعت الكوره كورنر
واحد قصير أهله ما يخلونه يدخن في البيت ؟؟؟ يخافون يحرق الفرشة
ثلاثة هنود يبون يشترون زعتر راحو البقاله وقالوا في خبز وسخ
واحد نادى على وحده وهو كان سرحا ن ويفكر وبعدين حس أن اللي كان يناديها جات عنده فقال انتي جي تي قالت لا قراندي
فيه كيس طاير ليششش؟ هربان عن البلدية
فيه قروي يبي يتحضر كتب على البعير تايوتا
سأل رجل من الأرض رجلا من المريخ:سمعت أن الدقيقه الواحده عندكم بمليون سنه عندنا قال رجل المريخ:نعم قال رجل الأرض:والجنيه عندكم بمليون جنيه عندنا قال رجل المريخ :نعم قال رجل الأرض أذن اعطني جنيها واحدا قال رجل المريخ:انتظر دقيقه واحده
في ثلاثة محششين ركبوا هلكوبتر لما حسو بالبرد طفوا المروحه
ماهية قمة الإزعاج....اثنين هياكل عضمية يتصارعوا فوق لوح تنك...
في واحد مسوي حاله عالم حشرات جاب ذبابة قعد يدربها يقولها امشي تمشي يقولها أوقفي تاقف قام وقطع أرجلها قالها امشي ما مشت فستنتج أن الذبابة إذا قطعت أرجلها تفقد حاسة السمع .
فية كوري تزوج كورية جابو أربع كور وضربة ركنية وتسلل وفاول ورمية تماس وقووول
فية دجاجة طبخوها في الفرن بزيت شل سوبر سمعو أصوات تفحيط فكو الفرن لقو الدجاجة تفحط وتخمس وتجدع .
فيه بعير يريد أن يتزوج غزاله قال البعير:أنا أريد أن أتزوجك:قالت الغزاله:إذا أردت الزواج مني أذهب إلى أهلي ذهب البعير للأهلها وقال لهم قال:والد الغزاله نحن مانزوج بدو
واحد ليل نهار يأكل فول قام ظهر له الشيطان وقاله يا أخي أنا مليت المره الجايه أما انك تغير الأكل أو انك تسمي
في سيارة كانت جيعانه كلت مطب
في عجوز فوق جبل مر عليها واحد يبيع بطيخ ويقول بطيخ بطيخ قالت العجوز لاتخاف ما باطيح
مره فيه خكاريه جالسين (طرش عندهم واحد) قالوا ياااااااي حامل
في قروي طلق مرته ......قال لها زعلتي...
الأول :لماذا يلبس الحكم ملابس سوداء؟ الثاني:حزنا ًعلى الأهداف الضائع
مره واحد راح للسوق .....لما يرجع بأكمل قصته
385واحد نام متأخر لقى الحلم باديء
ايش الفرق بين القروي الذكي والدينا صور الفرق كلهم انقرضوا
عجوز أرمله مريضه نفسيا ،قال الدكتور لولدها شوفولها واحد عمره خمسين وزوجوها إياه . راح ولدها يدور مالقا . ... قال لامه مالقيت يايمه واحد ابو خمسين . قالت له ؛ طيب ياوليدي شوف لي اثنين ابو خمسة وعشرين
قروية راحت المدينة تدور على القرويين ما لقيتهم ...قالولها إنهم وزعوهم على النكت
واحد دخل الملعب ومعاه ملعقه . لييييييييش .... عشان يحرك اللعب
في واحد دائما يعمل تحية قبل ان يفتح الثلاجة... ليش؟؟؟ لان ماركتها جنرال
قروية تبي تقتل زوجها وضعت له مسدس في الأكل
في لاعب ضيع بلنتي لييييييييش ؟؟؟....... علشان خويه مصاب
في واحد ضرب ( صبغ ) بيته بويه خلصت البويه كتب الخ
الطبيب:أسنانك بحاجة إلى تقويم
المريض: هجري أم ميلادي ؟
في ثلاثة متعلقين في الشجرة ... واحد منهم طاح ... ليييييييييييييش ؟؟؟
لأنه استوى
نكتة منخشة ( متخبية ) وراء الباب ليييييييييييش؟؟؟
علشان محد يضحك عليها
قروي طاحت ساعته في المويه ... سوالها تنفس صناعي
فيه شايب ثروته (19)ريال يبي يورثها لعياله ال(24)بالتساوي وشلوووووون؟
يشترون كرتون بيبسي
في احول ( الله لا يبلانا ) استلم الراتب حطة في جيب زميلة
فيه واحد دخل مكتبه وقال لصاحبها : فيه دبابيس ؟
قال له : لا .. خذ راحتك !!!
فيه طالب شاطر جداً .. نجح في المدرسة وطلع من الأوائل .... شفروه
واحد دمة تقيل اجر له حمال
مرة واحد اكل جوز هند...هند اترملت
فيه دفتر يصيح .. ليييييييش ؟ مسطر
فيه دفتر يتمشى .. لييييش ؟ فاضي
واحد نامت ساعته .... غطاها
يقولون إن منتخب الهند جابو روماريو وخسروا ... لييييييييش ؟
لأنهم حاطينه إحتياط
فيه ( نكته ) لم تدخل هذه الصفحه ... لييييييييش ؟؟
خايفه يضحكون عليها
قرويه يبغون يسوون زواج سكاتي ... جابوا طقاقات طرمان
في واحد راح للملعب ويناظر فوق ليييييييييش؟ ........ يدور على كلمة مباشر
مهاجم خطير دخل الملعب وهو متلثم .... ليييييييش ؟
لانه خايف من المراقبة
فيه حكم ساحة دخل الملعب ما وجد رجال الخطوط .. راح يدور عليهم .. فوجد اثنين برا .. فا أعطاهم الأعلام وحطهم في أماكنهم في الملعب وقال لهم : إذا فيه فاول ارفعوا العلم .. بدت المباراة .. الجمهور تهاوشوا رفع واحد من الحكام العلم وجاه حكم الساحة وقاله : ليش رفعت العلم ؟ قال : اللي فوقنا تهاوشوا ! قاله : عليك باللي داخل الملعب بس !
avatar
hoba_2000
عضو جديد
عضو جديد

عدد المساهمات : 59
الجنس : ذكر
بلد العضو :
المزاج :
العمر : 17
تاريخ التسجيل : 14/06/2012
نقاط النشاط : 127
السٌّمعَة : 14

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى