السلام عليكم ورحمة الله وبركاته...

مرحبا بك في منتدى اسلامى سر حياتى

نحييك بتحية الاسلام اخى الزائر

انت غير مسجل لدينا تواجدك معنا يشرفنا

يشرفني باسم طاقم ادارة و اشراف منتدى اسلامى سر حياتى ان ارحب بك كعضو

بيننا نعتز به و نهديه احلى عبارات الترحيب بانضمامه الى اسرتنا

تفضل بزيارة اقسام منتدانا و اختر فيهم ما يناسبك و شارك معنا بكثافة

مجموعه نكت :2

اذهب الى الأسفل

لا أحد مجموعه نكت :2

مُساهمة من طرف hoba_2000 في الأحد أغسطس 12, 2012 6:43 pm


مره اتنين مساطيل واحد بيقول للتانى هو محرم فؤاد اخو بؤرفواد قالها لا يا راجل بؤرفواد دايه بلد اما محرم فؤاد فديه بلد تانيهخالص


مرة 2مساطيل قعدين بيحششو قدام نشرة الاخبار فى التليفزيون فنشرة الاخبارطولت فراح الاولانى قال للتانى :هى لية نشرة الاخبار طولت النهارد كدة؟فراح التانى رد عليه وقال معلش اصل شكلها كدة النهاردة اخر حلقة


اتنين ستات عواجيز جدااااا شافو شاب امور قامت وحده منهم ندهت عليه وقالت له تتجوزني واكتبلك نص ثروتي الشاب بصلها قوي وقال انا اتجوز كلبه ولا اتجوزكيش قامت العجوزة التانيه قالت له هوهوهو


مرة واحد سكران بيوقف تاكسي فسأله: فاضي ياسطة فقال له الأسطة: ايوة فاضي فقال له السكران طيب ماتيجي تقعد معايا شوية


واحد بلديتنا اتصل بالمطار بيسال الأستعلامات عن المسافة بين مصر والسعودية قال لة لحظة واحدة قالة شكراا


قال مدرس لتلميذ مامعنى جوز الهند بالانجليزي قاله التلميذ كوكونت قال المدرس ضعها في جمله قال التلميذ كوكونت من الشباك


مرة واحد ماشى بالعربية فانمت عجلة بجوار مستشفى المجانين ففك العجلة ولما راح يركب الاستبن ملاقاش المسامير فحتار عقله واعد يدور عليهم فواحد من المجانين قله فك من كل عجله مسمار ولما تروح اشترى غيرهم فقال له وبيقولوا عليك مجنون.... قاله مجنون اه.... لكن مش حمار


بلدينا بيكلم بلدينا قال له شايف الولية دى قاله أيوة قاله دى ولية جريئة قوى بتضرب جوزها كل يوم بالشبشب قاله عرفت منين قالة أصلها مراتى


فرعون بيعاكس فرعونة قال لها: أمون انا في كدة ، قالت له: يا ساتر يا رع.





بلدينا عايز يروح حفلة تنكرية بعت اخوه*
مرة واحد رفيع اوي اوي بص من البلاكونة وقع من الفنلة* مرة واحد رفيع اوي اوي بص من العين السحرية بعنيه الاتنين*
مرة صرصار دخل السينما شاف اعلان بف باف قال من اولها كده*
مرة واحد بتاع سمك ابنه مات فماشى فى الجنازة يقول :ده كان صاحى وبيلعب *
مرة واحد محامى رفع أضية , وأعت عليه..*
قمبلة وئعت على اهوة ءالت بننننننننننننننن *
واحد اسمة محمدين خبط فشجرة كل محمد راح فى ناحيه*
مره واحد بلدياتنا نزل الترعه البلهارسيا طلعت تحلل*
مره واحد بلدياتنا بيلعب فى ودنه جاب القناه التالته*
بلدياتنا دبانة جت على وشة بينشها اقتلو حتى انت يامعفن*
مره أتوبيس بيلف الصينية وقع الكبايات *
اتنين بلدياتن فكرو يلعبوا شطرنج،،، الملك ضرب نفسه بالنار *
واحد بلديتنا طلع فوق الكوبري وقال يابوي كل دي بلكونة*
واحد بلدياتنا ساق العبط دخل فى الحيطه *
مرة واحد باع اللى وراه واللى قدامه واشترى اللى على جانبه *
مرة سواق تاكسي داس بنزين موته *
مره واحد بلديتنا عاوز يفسح عروسته في شهر العسل فسحها فى منحل*


مره كان في اتنين مساطيل قاعدين بيحششوا فا واحد بيقول للتاني انا شايفك اتنين فالتاني بيقولوا لا انا الي شايفك تلاته فقالوا الاول لا انا الي شايفك اتنين المهم قالوا خلاص احنا نروح لشيح المساطيل فقال خلاص نروح لشيخ المساطيل فراحوا وعرضوا عليه المشكله. فقالهم خلاص اصحاب المشكله يقعدوا على جنب والباقي ده كولوا يروح


مره واحد كان قاعد مع خطيبته علي النيل
قال لها شايفه القمر يا ليلي
وردت عليه بتقوله
شايفني عميه يا روح امك


واحد بخيل عندو ثلاث تفاحات فتح الاولى لقى فيها دود التانية فيها دود وصل للثالثة طفا النور و أكلها


في دكتور بشتغل في مستشفى المجانين،فراح يطمن على العيانين فبيبص شاف المجانين ماسكين واحد منهم معلقينه وعاملينه نجفه،وشاف واحد من المجانين قاعد لوحده وعمال بيدحك فرحله الدكتور وقاله بتتحك ليه،قاله المجنون بص المجانين مسكين الراجل وعاملينه نجفه،قام رد عليه الدكتور وقاله ما تروح تنزله،قام قاله المجنون ونقعد في الظلمه يا حمار


بلدياتنا الصغير بيعيط سأله أبوه بلدياتنا الكبير
عا تعيط ليه ياواد
قال الصغير : موش عارف يابااصحابى الصغيرين اللي عاالعب معاهم دلوكتى لما يكبروا ألعب أنا مع مين؟؟؟؟


مره قاسم وصاحبه طوسون واقفين قدام محل أحذية المهم عثمان سأل صاحبهكام الدزمه ( الجزمه ) دى ياكبريت؟ قاله : دى بنى قاله : والله رخيصه ياشيخ


مرة واحد حب يعمل مزرعة بقر راح لواحد عندة مزرعة قالة البقر دة بيشرب منين الراجل رد علية وقالة البقر ا لاحمر ولة البقر الاسود قالة البقر الاحمر قالة من هزا البير الرجل قالة طيب والبقر الاسود قالة من نفس البير الرجل كان هيتجنن قالة طيب بياكل منين الرجل قالة الاحمر ولة الاسود قالة الاحمر قالة بياكل من هذا العلاف قالة طيب الاسود قالة من نفس العلاف الرجل كان هيتجنن وراح قائل لة انت لازم تسالنى الاحمر ولة الاسود ماكنت تقولى كلة بيشرب من هنا وكلة بياكل من هنا الرجل قالة اصل انت مش واخد بالك البقر الاحمر دا بتاعى قالة طيب والبقر الاسود قالة برده بتاعى


واحد بلدياتنا اشتكى من صداع أخوه راح بيه للدكتور ... بعد الكشف والأشعه الدكتور قال لاخوه .. أنا أسف انى أقول لك ان أخوك عنده سرطان ف المخ... فقال للدكتور بتجول ايه يا بيه ؟ طب السرطان وعرفناه ... المخ ده جاله منين


واحد فافى زعل مع مامته قالت له رايح فين يا سوسو قال لها مش حقولك وبعدين نزل ركب تاكسى السواق قال له على فين يااستاذ قال له اذا انا ما قلتش لمامى حقولك انت


وحدة سألت سواق أتوبيس سكران: الأتوبيس دا رايح الجامعة؟ قال لها السواق: لا..، قالت: ليش؟ قال لها علشان ما جاب مجموع كبير في الثانوية


فيه محامي كلف بالدفاع عن متورط بجريمة قتل. ولكن هذا المحامي فشل في الدفاع عن موكله، فحكمت المحكمة على هذا الاخير بالاعدام. فصرخ المحامي فرحا، فسألته عائلة موكله لماذا انت فرحان؟ فأجاب قائلا: ستتم مراسيم الجنازة على حساب الحكومة.


القاضي: كيف تنكر التهمة الموجهة إليك وهناك ثلاثة أشخاص شاهدوك وأنت تقوم بها؟ المتهم: لا يهم يا سيدي فأنا استطيع أن أحضر لك ألف شخص لم يشاهدوني وأنا أقوم بذلك؟


سألت الابله: " من يعرف جنوب افريقيا"؟ قال طالب: "في الصفحة 22 في الاطلس يا ابله".


سأل استاذ تلامده: من يستطيع ان يعطي مثالا عن تمدد الأجسام بالحرارة؟ فقال أحد التلاميذ: العطل تتمدد بالحرارة، فاجازه الصيف اطول من اجازه الشتاء.


مدرس لغة انجلزية بعت ابنه يجيب خبز عربي. فقال للبياع: بدي خبز عربي. قال له البياع: لا يوجد. فقال الولد: اعطيني خبز افرنجي وابوي بترجمه


مره صعيدي راح للدكتور، فالدكتور أعطاه دواء شرب. بعد اسبوع رجع الصعيدي للدكتور. قال له الدكتور: ايوة الدواء عامل ايه؟ الصعيدي رد: معرفتش أدخل المعلقه في الازازه


بدوي أشترى كمبيوتر لأبنه فجاب بدل الفارة سحليه


واحد هو وزوجته عالبحر، فقالت له زوجته شايف القمر يا حبيبي، الزوج ايوى شايفه. الزوجة: ريحة شرابك واصلةله


بياع فلافل ماشي مع خطيبته عالبحر، فقال لها: شايفه البحر يا حياتي، الخطيبة: طبعا يا روحي. الخطيب: لو انه زيت، كم حبة فلافل بيوسع


في واحد ما بحب زوجته ومع ذلك لما سافر اخذها معه ليه؟ علشان اذا رجع من السفر ما يسلم عليها


واحد بلدياتنا واقف فوق البرج عاوز ينتحر عشان هو غبى فجابوا له دكتور نفسى وقاله حنسألك سؤال لو جاوبت عليه يبقى ما تنتحرش
(فسأله إيه هى الحاجة اللى اسمها زى لونها وفيها صفار).
رد عليه وقال البطيخة
قال له غلط البيضه يا أخى،
فقال له لازم انتحر
فقال له استنى حسألك سؤال تانى
قال له (ما هى الحاجتين اللى لونهم زى اسمهم وجوه فيه صفار)
فقال له بطيختين
قال له غلط بيضتين يا أخى
فقاله لازم أنتحر
فقال له استنى حسألك سؤال ثالث
تلات حاجات لونهم اخضر ومن جوة احمر وفيهم بذر
رد عليه وقاله 3 بيضات
راح الدكتور راميه من فوق البرج


واحد ماشي في الشارع لقى حفرة فيها سحلفة عملة انها ركبة موتوسيكل و بتقول فو فو..طنش و مشي.شوية و لقي حفرة تانية فيها سلحفة تانية عملة انها ركبة موتوسيكل و بتقول فو فو..برضة و برضة طنش و مشى..شوية و لقي حفرة تالتة فيها سلحفة تالتة بس ساكتة، قلها أنتِ مش عاملة زى الأتنين التانين لية ، قالت لة لية هما عاملين اية؟ قال لها: عاملين انهم راكبين موتوسيكلات و بيقولوا فو فو..قالت له اية دة هم جايين طب فو فو..


بلدياتنا للدكتور البيطرى : الحمار تعبان جوى يا دكتور
الدكتور البيطرى : حط الدواء ده فى خرطوم وحط طرف الخرطوم فى بقك والطرف التانى فى بق الحمار وانفخ
تانى يوم لقى بلدياتنا جاى وتعبان جدا ساله: مالك؟؟
بلدياتنا: الحمار هو اللى نفخ الاول


واحدبلدياتنا راجع متضايق فى يوم، إبنه بيقول له مالك يابوى؟
بلدياتنا: الحمار اتسرج منى النهارده
وماله يابوى دخلتك علينا بمليون حمار


عشرة صعايدة بيتعلموا ربط الكرافتات تسعة ماتوا وواحد فى حالة حرجة



مرة فى دكتور ناصح راح بلدنا و اعلن
الدكتور: اللى حاقدر اعالجة حاخد منة 10 جنية واللى مش حاقدر اعالجة حاديله 1000 جنية
راح بلدياتنا اتلمو وقالو لازم نضحك على الراجل ده واختارو ازكى واحد فيهم و بعتوه
بلدياتنا : انا مش باعرف ادوق اى حاجة كل حاجة اكولها طعمها مش
الدكتور : كوهين هات برطمان 15
افتح بقك يا حبيبى دوق كدة
بلدياتنا : ايه دة خره؟
الدكتور : مبروك يا حبيبى انت خفيت هات العشرة جنية
تانى يوم بلدياتنا جاله وهو حيجنن على العشرة جنية
بلدياتنا :انا فقدت الذاكرة
الدكتور: بسيطةكوهههييين برطمان 15
بلدياتنا : الخرة تانى
الدكتور : مبروك رجعتلك الذاكره هات 10 جنية


مررة قطة وئعت من علي الشجرة ,آمت تئول
"هو هو ....!! نو نو..!! ماااااااااء!! "


دكتور فى مستشفى المجانين بيسأل ثلاثه مرضى بيقول انتم الثلاثه أقرب ما تكونوا للشفاء فأنا حسأل كل واحد سؤال لو جاوبهحيخرج
فسأل الأول : خمسه فى أربعه بكام
فرد وقال : نفق العباسيه
و سأل الثانى : خمسه فى أربع بكام
فرد وقال : يوم الجمعه
فسأل الثالث : خمسه فى أربعه بكام
قاله : بعشرين
فقاله : برافو إنت خفيت بس قولي عرفتها منين
قاله : لما طرحنا نفق العباسية من يوم الجمعة طلع عشرين


كيف تضع فيل فى الثلاجه على ثلاثة مراحل؟ تفتح التلاجه، تحط الفيل، تقفل التلاجه...
كيف تضع زرافه فى الثلاجه على أربع مراحل؟
تفتح الثلاجه، تخرج الفيل، تحط الزرافه، تقفل ثلاجه...
كيف تضع نفس الفيل على مرحلتين؟ تفتح الثلاجه، تقول للفيل يأخذ الباب فى ايده و هو داخل


واحد ماشى فى الصحراء قابل واحد بلدياتنا
فبيقلوا انا حران من الشمس
فبلدياتنا قاله وانا محمدين من الارض


واحد مسطول بيسأل واحد ايه ده ..
واحد : ده ا ربعين واحد ميت..
المسطول : ياه اربعين واحد ماتوا
الواحد : لأه ده واحد ميت بقا له اربعين يوم..
المسطول : ياه وما دفنهوش لغاية دلوقتى


أم بخيلة أعطت لأبنها عشرة قروش ليشتري بهم، فعندما كان بالطريق، رجع لأمه مسرعا فقال لها: أمي لقد أصيب والدي بحادث سيارة. فقالت الأم: خوفتني فكرت العشرة قروش ضاعوا منك


مره واحد بلدياتنا نزل البحر كان في سحب كسب عربيه
مرة وحدة حبت تقتل زوجها، حطت مسدس فى الحله
سألوا صعيدي: ما هي عاصمة البحرين؟ قال بكل فخر: سبيس تون
واحد صومالى راح اثيوبيا سألوه بتعمل هنا ايه؟ رد عليهم: غلطت بالعنوان
ليه الصعايده بنشروا الغسيل عند القبور؟ علشان ينشفوا من الخوف
محشش اتزوج محششه، جابوا ولد سموه حشيش
نمله بلعت فستقه قتلها ابوها ليه ؟ بحسبها حامل
في مره واحد فتح الثلاجه لقى باباغنوج بيبوس أم علي
معلم ومعلمه كتبوا كتابهم على اللوح
واحد حب يعمل مفاجأة لمراتوه يوم عيد ميلادها.. طلقها
في واحد دخل السلك الدبلوماسي اتكهرب
كبابكجى اتجوز فرش السرير بقدونس
مره واحد دماغه لفت قابلها من الشارع التاني
مره مدير مدرسه عمل فرح وزع علي المعازيم ارقام جلوس
واحد بلديتنا رجع في كلامه داس الي وراه
واحد أحول دخل الجيش حطوه في سلاح القصف العشواءي


واحد بلدياتنا راكب القطر ومعاه ابنه ومش عاوز يدفع له تذكرة .. فلما جه الكمسرى حط ابنه فى شوال ومسكه بايده برة الشباك فالكمسرى بيقوله ايه اللى مطلعه فى ايدك برة ده .. فدخل ايده جوة وقال له ما فيش حاجة


واحد قهوجي اشتغل منادي في المحكمة القاضي قاله نادي علي قضية محمدين عوضين حسن راح المنادي نادي و قال
وعندك 2 محمد و 2 عوض و 1 حسن و صلحه


نملة وفيل كانوا راكبين موتوسيكل، سووا حادث مات الفيل و النملة عاشت ليه؟ النملة لابسة خوذة .


واحد كريم أوي أوى ......... بيتة أتحرق طلب المطافى ، لما جم دخلوا يطفوا النار قالهم ولله لا يمكن لازم تتغدوا الأول


ليه النملة مش رادية تركب الفيل أودامها على العجلة؟
عشان بيلعب فى الجرس


واحد احول وواحد اهبل فتحوا محل طعمية الاحول بقى يعمل الطعمية و يحطها برة الطاسة ،و الاهبل يقول طشششش !!


اثنين طرش قابلوا بعض على المحطة الأول: لوسمحت هى دى محطة مصر الجديدة؟.. على الحديدة؟ ..انتة باين هليك طالب احسان.. بذر الكتان؟.. معرفوش ..مابتحبهوش؟.. لية كاف اللة الشر؟.. راس البر؟.. دة مصيف محترم.. الهرم انخرم؟.. خسارة دى كانت حتة جميلة.. عايز بليلة؟.. انتة باين عليك جعان ت عبان.. اشوفلك حنتور؟ دة واقف ادام العمارة امارة.. انتة شايفنى بتأمر؟.. متأخر دى لسة ماجتش 3 مراتك شحاتة؟طب شوفلها شغلانة تاكل منها عيش.. خيش؟ لا دا صوف انجليزى.. بنتك زيزى ربنا يخلى.. لأ دا مش انتاج محلى دا من بلاد برة.. المبرة؟.. انتة باين عليك تعبان ..دخان؟.. مابشربوش اصل اسعارة حراقة
كريم حلاقة.. انا بستعمل انجرام.. انا قليل الاحترام طب دانتة قليل الزوق.. باب اللوق؟.. تبقى دى مش محطة مصر الجديدة


ليه الفراعنة كانوا عيال ؟؟؟
علشان كانوا بيكتبوا على الحيطة


مــرة واحــد فكهاني أمه مــاتت قـال
المـوز علـينا حــق


التلميذ : بحبك يا أبله و عاوز أجوزك...
المدرسه: بس أنا مبحبش الأولاد الصغيرين...
التلميذ: وأنا مش مستعجل على الأولاد


واحد أقرع مفيش فى راسه غير ثلاث شعرات، راح للحلاق قاله اعمل لى فرق من النص، الحلاق بيشد الشعرة إلي على اليمين اتقطعت، فشد واحده تانيه على الشمال اتقطعت فقال للرجل مش فاضل غير واحده أعمل ايه؟؟
فقاله نعكشها


واحد بخيل مراته بتموت اتصل بالاسعاف و سابلهم



مره واحد بعتت جوزها يجيب بطاطس وهو رايح طسته عربيه مات فجارتها بتقولها الحقي جوزك مات هاتعملي ايه !!
ردت عليها: هاطبخ فاصوليا


قالت الام لإبنتها: لماذا تريدين فسخ الخطوبة؟ قالت الأبنة: لأن خطيبي كافر الأم: كيف عرفتي بأنه كافر: قالت كنا نتحدث بالأمس فذكر انه لا يؤمن بجهنم. فقالت الام بسيطة.. بعد ان تتزوجيه سيؤمن بوجود شئ اسمه جهنم


واحد دخل عالبار ماشي على كفوف ايديه وطلب واحد بيرة. الكرسون: وليش ماشي على ايديك؟ الرجل : حلفت لمرتي انه عمري ما اجري تفوت البار


ليه بلدياتنا مش بيبوس بنته. لأنه حاطط ذيل الجلابية فى بقه


واحد بلدياتنا مؤدب شاف ساعته واقفة قام جاب لها كرسى!





واحد بيسأل واحد عن رأيه فى مصارعة الثيران فقاله دى بروفة جواز


هندي لقي فاتوة كهرباء واقعه على الأرض، أخذها ودفعها


نملة تستنجد في البحر، ورافعة يدها اليسار ليه ؟! الساعة رولكس


جندي كل ما يدخل المطبخ يضرب تحية عسكرية ليه ؟! الثلاجة (جنرال


صعيدي نام متأخر، فاته الحلم .


مره ظريف عاش في الدور أظرف منه عاش في الدور الي فوقه


دكتور بيطرى بيحب دكتوره بيطريه يقولها أنا بهيم فى حبك وهى تقولوا أنا مارفصلكش طلب


واحدبلدياتنا مراته اغمى عليها شممها رجله


واحدبلدياتنا طخوه 4 رصاصات فى دماغه جاله صداع


قهوجى خلف ولد من غير وش


واحد اعمى ربنا شفاه اتشل من الصدمه


واحدبلدياتنا اشتغل شوية فى المرور.. اشترى شقة لقاها ضيقة عملها اتجاه واحد


واحدبلدياتنا اول مرة يسوق طيارة هليكوبتر حس ببرد قفل المروحة


مرة واحد راح السودان بالليل مالقاش حد


مرة واحد بلدياتنا الباب افل على صباعه الباب ازرق


مره واحد بلدياتنا دخل خلاط الأسمنت طلع منه قال والله منش داخل الملاهي تاني


مره فيل اتقدم لنمله فاهلها ماوافقوش فقالت لهم: حرام عليكم الفيل الى فى بطنى


واحد مؤدب متغاظ من مراته و عايز يشتمها ...طلع فوق الدولاب و قاللها يا واطية


مره واحد لبان أشترى عمارة (ملك) مراته راحت تلم القشطة من علي السطح


مرة واحد بلدياتنا زار الهرم ,فقال يابوى كل دى حتت جبنه نستن


مره 1 بلدياتنا راح للبقال فقال له عندك سكر فقاله ايوه فقاله بلدياتنا ربنا يشفيك


اتنين بلدياتنا راحوا يصطادوا واحد صاد والتاني ضاد


ميكانيكي اشترى سرير نام تحتيه


واحد احول ابو مات دفن امه


مرة اتنين قرع اتشاكلوا على مشط
مرة واحد غلس قابل واحد غلس قالة تيجي نغلس قاله لأ قاله ليه قاله غلاسه
كهربائى اتجوز أربعة عملهم" مشترك
ما وجه الشبه بين الموز و التفاح؟ الاثنين لا يصنع منهم عصير جوافه
ليه بيشيل بلدياتنا مسدسه ؟؟ علشان يطخ مشوار
خمسة بلدياتنا بيلفوا لمبة فى السقف ...أربعة مسكوا اللمبة وواحد لف السقف !!!


طبيب نفسى اشترى ساعة سيكو عالجها بالصدمات
واحد ترزى ماشى فى حتة مقطوعة خيطها
واحد ترزى اجوز واحدة قصيرة فك تنيتها
مرة واحد فرحان تزوج وحدة زعلانة، خلفوا ولد سموا يا فرحة ما تمت
واحد سوداني تزوج وحدة سودانية، خلفوا ولد ابيض وعيونه خضرة، سموه مستحيل







مرة واحد اسمة عزوز راح اشتغل عند ميكانيكى صبى صغير .فى يوم قال عزوز لصاحب الورشة انا اعرف رئيس الحى صاحب الورشة مصدقوش ولكن بعد يومين فعلا مر من قدام الورشة رئيس الحى وسلم على عزوز سلام حار صاحب الورشة اعجب بعزوز وشغلة اسطى فى الورشة وبعد يومين عزوز قال لصاحب الورشة انا اعرف الوزير قال لة لا ديا صعبة جدا وفعلا بعد يومين مر الوزير من قدام الورشة وسلم على عزوز ...صاحب الورشة اتجنن وقال لعزوز يابنى انا هجوزك بنتى وتمسك الورشة مكانى... وبعد يومين قال عزوز لصاحب الورشة انا اعرف كلينتون ولكن صاحب الورشة المرة ديا قال لعزوز بلاش تهتش على ديا واسعة قوى ..عزوز قاله تعال نسافر وانا هعرفك وفعلا سافروا امريكا ووقفوا امام البيت الابيض وعزوز قال لصاحب الورشة بص على الشباك الابيض الى فوق ده ..هطلع كمان شوية انا وكلينتون ونقول لك هاى وفعلا عزوز طلع هو و كلينتون بعد خمس دقائق الراجل صاحب الورشة اغمى علية وراح المستشفى . ولما فاق عزوز بيسألة انت اغمى عليك علشان شفتنى انا وكلينتون .صاحب الورشة قال لا يابنى انا اغمى علية علشان انت والريس وافقين فى الشباك عدا من قدامى اثنين امريكان بيسألونى من الى واقف جنب عزوز ده

مره واحد لاقى جيرانه عاملين دوشه فنده انتو ياللى فوق بطلو الخبط ده فرد ابنهم الصغير عليه و قال: معلش يا عمو اصل ماما بتنفض البنطلون بتاع بابا فقاله: البنطلون تقيل قوى كده لدرجه انه يعمل الدوشه دي كلها فرد الولد و قاله: اصل بابا جوه البنطلون

مرة اتنين أصحاب كانو في السينما فواحد قال للتانى تراهنى انى اضربلك اللى قاعد هناك دة علي قفاة رد علية صاحبة وقال طبعا متقدرش راح قايم وضربة وقاللة محمد انت هنا من بدري راح الراجل بص لة وقالة انا مش محمدقالة انا اسف كنت فاكرك محمد المهم رجع لصاحبة تانى قاللة تراهنى اضربة لتانى مرة علي قفاة قاللة المرادى بقي متقدرش راح قايم وضربة وقاللة محمد انت هنا من بدري قاللة يا عم قلت لك انا مش محمد قاللة انا اسف كنت فاكرك محمد راح الراجل زهق راح غير مكانة راح اراجل اللى بيضرب قال لصاحبة تراهننى ولتالت مرة اضربهولك علي قفاة قاللة المرة دي بقي متنفعش راح قايم ولف وراح ضربة وقاللة انت قاعد هنا ونا عمال اضرب الراجل هناك …

على حسب الله عضو مجلس الشعب عمل استجواب لوزير المواصلات، ليه القطارات بتيجى كل يوم متأخر؟
الوزير وعد ان من بكره القطارات مواعيدها حاتتظبط!
تانى يوم على حسب الله خد التليفزيون والصحافة على محطة السكة الحديد، الميه تكدب الغطاس!
القطر اللى كان ميعاده عشرة وصل عشرة الا ربع!
الصحفيين اتلموا على السواق يحيوه ويسألوه ازاى نجح فى عمل المعجزة دى، فرد: معجزة ايه؟ هو النهارده ايه بالصلاتو على النبى؟
-الاربعاء.
-ده ياخواننا قطر يوم التلات ..

كان في سلحفتين صغيرين كانوا بيحبوا بعض كبروا واتجوزوا وخلفوا سلحوف صغير سموه ابوسريع ,اقترحت ام ابو سريع علي ابو سريع انهم يروحوا يفسحوا الواد في البحر الاحمر جهزوا لوازم الرحلة واستغرقت الرحلة 15سنة ذهاب.. وصلوا علي البحر وفرشوا علشان يأكلوا وفجأة صرخت ام سريع "تصدق يابوسريع نسينا اهم حاجة نسينا الملاحة عشان الاكل ..اخطف رجلك وروح البلد هاتها .."صرخ ابوسريع وقال لسه هاروح 15سنة رايح و15 سنة جاي يكون الاكل برد الأحسن نبعت الواد ابوسريع خفيف ولس صغير.."ونادوا ابو سريع وقالولهه بل قالوه وبعتوه مرت السنين...حوالى40 سنة وابو سريع مجاش السلاحف بدأت تقلق فقالت ام سريع احسن ناكل بدل ماالاكل يبرد ومايجي ابوسريع نعمله اكل ثاني "فجاة خرج ابوسريع من ورا شجرة وقال يعني لو كنت رحت كنتم كلتم من غيري...

واحد احول وواحد اهبل فتحوا محل طعمية الاحول بقى يعمل الطعمية و يحطها برة الطاسة ،و الاهبل يقول طشششش

واحد بلدياتنا واقف و معاه ارنب فعدّا عليه واحد و قال : بكام الحمار اللي معاك ده؟ فقاله: ده ارنب يا عم ! فقاله:ان مش بكلمك انت..انا بكلمه هو

واحد بواب كل يوم ينزل ينادى على مراته
ويقول لها : عاوزة حاجة قبل ما أروح الشغل
فتقوله : لا
يروح قاعد على الدكة

مرة واحد كل ما ينام يحلم بكتاكيت تلعب كورة . فى كل مرة يحلم نفس الحلم فذهب للدكتور فقال له الدكتور لا تنام يوم أو اتنين قال له ما انامش ازاى دا بكره النهائى

مرة واحد راح للحلاق قاله ممكن اخد دقنى.
الحلاق قاله : هو انت نسيتها هنا ؟؟؟؟

الضابط : يوم السبت الجاى يوافق 2 يا عسكرى
العسكرى: لو ضغطنا عليه حيوافق يا أفندم

مرة واحد ماشي على البحر شاف ثعبان أعمى
الرجل : نفسك في ايه
الثعبان : نفسي أعمل عملية وأشوف
الرجل : ليه
الثعبان : علشان أشوف حبيبتي ونور عيني
الرجل كان طيب وعمل له عملية ورجعه مكانه وبعدها بيومين راح الرجل يطمأن عليه وجد الثعبان بيبكي
الرجل : مالك ياعم ثعبان مش عملنالك عملية عشان تشوف
الثعبان : أصل اللي بحبها من سنين طلعت خرطوم

الضابط للغفير: عملت إيه قبل ما تنام؟
الغفير: تممت على دوريتى واتعشيت وضربت كفتة ونمت!
الضابط: وانت عملت إيه؟
الغفير الثانى: نفس الحكاية تممت دوريتى واتعشيت وضربت كفتة ونمت.
الضابط: وانت؟
الغفير الثالث: تممت دوريتى واتعشيت ونمت.
الضابط: وكفتة؟
الغفير: ماهو أنا كفتة

مرة 3 ستات واحدة مصرية واحدة امريكانية واحدة فرانساوية كانوا قاعدين يناقشوا مشكلة ان اجوازهم مش بيساعدوهم فى شغل البيت ? قرروا انهم هايتقابلوا بعد اسبوع ? تكون كل واحدة منهم جربت طريقة ? يشوفوا النتايج ? فعلا بعد اسبوع جت الامريكانيه ? قالت: انا سيبت شغل البيت اول يوم ما شوفتش حاجة تانى يوم بردة مفيش حاجة تالت يوم ابتدا يقوم ينضف ? يغسل ? بعدين اتعود علي كدة الفرانساوية قالت : انا بردة اول وتاني ? تالت يوم ماشوفتش منة حاجة ورابع يوم ابتدا يغسل ? ينضف وبعدين اتعود على كدة فالمصرية ٌقالت انا زيكو كدة برضة اول ? تانى ? تالت ورابع يوم ماشوفتش حاجة ? على خامس يوم ابتديت اشوف بعيني الشمال

مرة صرصار من بلاعات إمبابة عايز يجوز صرصارة من بلاعات الزمالك راح إتقدم لأبوها قله يابني إنت من إمبابة عايز تتجوز واحدة من الزمالك الصرصار إتعقد طقت في دماغه يسافر بره يشتغل علشان يجوزها سافر علي بلاعات الإمارات ..اشتغله سنتين وكون فلوس واشتري عربية وركبها قدام بيت حبيبته أبوها شافه قالها هو ده إلي إتقدملك من سنتين قلتله أيوه قالها روحي إنداهيله راحت تندهله بيفتح باب العربية وبينزل واحد داس عليه

واحد كان عنده جموستين واحده بيضه والتانيه سوده واحد سأله إنت بتأكلهم إيه رد عليه :البيضه ولا السوده قاله البيضه قالهرسيم ..طيب والسوده ..برضو برسيم..أمال بيناموا فين..البيضه ولا السوده..لأالبيضه..فى الزريبه..طب والسوده ..برضو فى الزريبه..طب وبيستحموا فين..البيضه ولا السوده..لأ البيضه ..فى الترعه ..طب والسوده..برضو فى الترعه..رد عليه الراجلا أخى هوا أنا كل لما أسألك تقوللى البيضه ولا السوده؟..قاله الراجل :أصل إنت مش عارف الجاموسه البيضه بتاعتى…طب والسوده ..برضو بتاعتى…

مره اتنين داخلين محل جزم هو ومراته فقال لصاحب المحل هتلها جزمه زحافي قالتله لا بكعب قالها لا زحافي قالتله لا بكعب فصاحب المحل زهق منهم قال للراجل ياعم هاتلها بكعب هو انت اللي بتلبس قالوا ياعم انت مالك هوانت اللي بتضرب.

مره اثنين بلدياتنا دخلوا امتحان ..قام واحد سأل الاخر ما هى اجابه السؤال ده . هى القطه عندها كام رجل فرد الثانى عليه و قال له .... معايا فى جيبى بس مش عارف اطلعها .
avatar
hoba_2000
عضو جديد
عضو جديد

عدد المساهمات : 59
الجنس : ذكر
بلد العضو :
المزاج :
العمر : 18
تاريخ التسجيل : 14/06/2012
نقاط النشاط : 127
السٌّمعَة : 14

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى